Kroep

As enige iemand aan kroep ly, kan die volgende wenke jou dalk help:

Nr.

Wenke

1 Gee die siek persoon soet tee met 2ml mostert om te drink. Dit sal die persoon laat opbring en van die slym ontslae raak. Meng 1 teelepel aluin en 2 teelepels suiker goed saam. Gee die persoon elk 2 uur ‘n kwart teelepel van die mengsel in.
2 Gee vir die kind sterk soutwater om te drink. Hy of sy sal die slym opbring.
3 Meng 1 koppie heuning met 1 teelepel bakpoeier goed saam en gee vir die kind 1 teelepel daarvan. Dit sal die slym baie gou losmaak. Die mengsel kan in ‘n flessie met ‘n skroefdeksel gebêre word en gebruik word soos nodig.
4 Meng 2 eetlepels melk en 2 teelepels gliserine. Gee dit vir die kind om te drink. Dit sal veroorsaak dat die kind opbring en die slym sal uitkom.
5 Smelt 1 teelepel vaseline en gooi 20 druppels borsdruppels in. Gee dit so warm as moontlik vir die kind. Indien die kroep erg is, kan jy dit kort-kort ingee
6 Sny een wit ui in dun skyfies en strooi bruinsuiker daaroor. Laat dit staan sodat dit ‘n stroop kan trek. Gee dan 1 teelepel van die stroop elke uur om die hoes en kroep te breek.
7 Was die kind se bors en hals met yswater. Dit sal help om die bors oop te maak. Droog hom goed af en maak warm toe.
8 Laat die kind soveel koue water drink as wat hy of sy kan. Dit help met asemhaling.

Hoes

As jy enige probleme moet hoes ondervind, kan jy die volgende probeer:

Nr.

Wenk

1 As jy ‘n hoesmiddel nodig het, meng heuning in water met suurlemoensap of appelasyn.
2 Meng 1 bottel heuning met die volgende Lennon produkte: 1 bottel Peppermentdruppels, 1 bottel Borsdruppels, 1 bottel Jamaika Gemmer, 1 bottel Turlington, 1 bottel Paragora, 1 bottel Epejuana Tinktuur en 1 klein botteljie roulynolie. Meng allees saam en kook vir 5 minute. Gooi dit in ‘n bottel. Vat 2 groot slukke of 2 groot eetlepelsvol op ‘n slag.
3 Meng 1 bottel Witdulsies, ‘n kwart bottel Borsdruppels, 2 teelepels Paragorie, 1 bottel Roulynolie, 1 bottel Turlington, 1 eetlepel assyn, 500g Heuning en Pepperment druppels na smaak.
4 Meng 2 bottlejies borsdruppels, 125ml vars suurelemoen sap en ‘n halwe bottel heuning. Neem een eetlepel daarvan 3 keer per dag. Moet nie in die yskas bêre nie.

Algemene borskwale

Die volgende boererate kan jou dalk help met enige algemene borskwale wat jy het:

Nr.

Wenk

1 As jou bors te en benoud is, smeer Zambok salf aan die bors of op ‘n lappie wat jy teen die bors sit. Hou dit warm. dit sal help om die bors oop te maak.
2 Die volgende mengsel sal help algemene borskwale soos hoes, brongitis en meer. Dit help om slym los te maak en dit verlig ook ‘n droë hoes. Dit verminder ook die sinus alym en beheer die “Post Nasal Drip.” Meng die volgende in ‘n groterige glasbottel met ‘n digte skroef deksel: 1 botteljie Lennon Paragora, 1 botteljie Lennon Turlington, 1 botteltjie Lennon Ipekakaunawyn, 1 botteljie Lennon Borsdrukppels, 1 botteljie roulyn olie and ‘n halwe bottel heuning. Meng dit deeglik todat alles in die heuning vermeng is. Neem een eetlepel vol, soggens en saans. Let asb op dat kinders tussen drie tot agt jaar, net ‘n halwe eetlepel moet neem.
3 Meng heuning en suurlemoen sap in gelyke dele en neem dit wanneer jy hoes.
4 As jy ‘n toe of benoude bors hetm kan jy met kamferolie oor ‘n bak stoom. jy gebruik net 5 druppels in kokende water en jy moet onthou om jou warm te hou.